Елімізде бұл форум дәстүрлі түрде ұйымдастырылады. Биыл жиын «Зиянсыз дәр-дәрмектер» тақырыбында өтті. Форум аясында қазақстандық «Аккредиттеу орталығы» денсаулық сақтау мәселелері және ұлттық аккредитация бойынша видео-байқау жариялады.
«Біздің аурухана «Қызықты әңгімелесу» номинациясынан ІІІ орынды иеленді. Және сәуірде өткен зерттеу нәтижесінде аккредиттеудің І санатындағы ауруханалар тізіміне енді. Қуанышымызда шек жоқ», — дейді аурухананың бас дәрігері Айман Ғалымжанқызы.
Бас дәрігердің сөзіне сүйенсек, Қазақстанда орналасқан аурухана мен емханалардың, медицина орталықтарының 46 пайызы аккредиттеуден өтті.
Және ол І санаттағы аккредиттеуді иелену – аурухананың денсаулық сақтау саласында біршама алға жылжығанының белгісі екенін айтты.
Айта кетейік, ҚР-да аккредиттеудің бұл түрі – медициналық көмектің кепілдік берілген көлемі (ТМККК) шеңберінде және міндетті әлеуметтік медициналық сақтандыру (МӘМС) жүйесінде мемлекеттік тапсырысты алу үшін көп артықшылық береді.
