Қайғылы оқиға Балқашта болған. 60 жастағы «MAN» жүк көлігінің жүргізушісі көлігінен жүк түсірумен айналысып жатқан. Кенеттен автокөліктің тежегіштері істен шыққан. Ер адам жылжып бара жатқан көлікті өз күшімен тоқтатуға тырысқан.
Нәтижесінде ол машина мен дуалдың арасында қысылып қалып, оқиға орнында көз жұмды.
«14 қыркүйек күні сағат 16:30 шамасында Желтоқсан көшесі, 19 мекенжайы бойынша орналасқан «Светофор» супермаркеті аумағында Алматы облысынан келген 60 жастағы жүргізуші «МАN» маркалы жүк көлігін тоқтату әрекеті кезінде ашық автотұрақтың бағанасына қысылып қалған, ер адам алған жарақаттарынан оқиға орнында көз жұмды. Аталған факті бойынша нөлдік бап бойынша адамның қайтыс болу фактісі бойынша қылмыстық іс қозғалды. Мәйіт сараптамаға жіберілді», – деп хабарлады Қарағанды облысының полиция департаменті.
