Бұл шара қыркүйектің 7-17 аралығында «Жартасты қала – Астана» оқу-жаттығу полигонында өтеді.
Кешенді тактикалық оқу-жаттығуының салтанатты ашылу рәсіміне ҚР ТЖМ қатысты Төтенше жағдайларды жою департаментінің бастығы Қаһарман Оразалин мен облыс әкімі Марат Сұлтанғазиев қатысты.
Желідегі мәліметке сүйенсек, бұл шара мынадай мақсаттарды көздейді:
- іздестіру және авариялық-құтқару жұмыстарын жүргізу дағдыларын жетілдіру;
- авариялық-құтқару құралдары мен техникасын пайдаланудың озық әдістерін меңгеру;
- іздестіру-құтқару жұмыстарын жүргізу тәжірибесімен алмасу;
- жарысқа қатысушылардың кәсіби даярлығын жетілдіру;
- құтқарушылардың физикалық дайындығын тексеру.
Жарыс 5 түрлі сынақ кезеңдерінен тұрады:
- техногенді апаттар жағдайындағы іздестіру-құтқару жұмыстары;
- акваториядағы іздестіру-құтқару жұмыстары;
- табиғи орта жағдайындағы іздестіру-құтқару жұмыстары;
- орташа қиылысқан жерлер бойынша командалық эстафета;
- белтемірдегі кешенді күштік жаттығу.
Жарысқа құтқару бөлімшелері, сондай-ақ ҚР ТЖМ азаматтық қорғаныс саласындағы әскери қызметші-құтқарушыларының командалары қатысады.
ПД мәліметінше, салтанатты шара барысында облыс әкімі Марат Сұлтанғазиев ТЖД қашанда кез келген жағдайға дайын болу керектігін атап өтті. Және материалды-техникалық базаны ұлғайту үшін бөлінетін қаржының жылдан-жылға көбейіп жатқандығы жайлы да сөз етті.
