Алаяқтарды СҚО ПД Ұйымдасқан қылмысқа қарсы күрес басқармасының қызметкерлері өңір прокуратурасымен және Нұр-Сұлтан қаласы ПД Криминалдық полиция басқармасымен бірлесіп ұстаған.
Топтың әрқайсының атқаратын өз рөлі болған. Бірі алаяқтық жолмен алынған ақша қаражаттарын аудару мен алуға лимиттерді көтеруге нұсқау беріп отырса, топтың басқа мүшелері төлем карталары ресімделетін адамдарды тауып отырған. Бұрын сотталған, жетім балалар үйінің түлектері, студенттер және жай ғана сенгіш адамдар алаяқтардың жемтігіне айналған. Олар ешқандай зиян болмайды деп сендірген.
Бұдан бөлек, төлем карталары ұйымдасқан қылмыстық тізбек бойынша елдің басқа қалаларындағы топтың өзге қатысушыларына банкоматтардағы ақшалай қаражатты одан әрі қолма-қол ақшаға айналдыру үшін беріліп отырған.
Ұсталғандардың барлығы Нұр-Сұлтан және Петропавл қаларындағы уақытша ұстау изоляторларына қамалды. Олардың үшеуі бұрын ұрлық, көлік ұрлығы, бұзақылық үшін сотталған.
Бүгінгі таңда интернет-алаяқтыққа қатысты 64-тен астам оқиға анықталды. Алдын ала есептелген шығын көлемі шамамен 200 млн теңгені құрайды.
«Егер сіз интернет-алаяқтардың құрбаны болсаңыз, дереу полицияға хабарласуды сұраймыз. Есіңізде болсын, төлем картасын ресімдеп, оны белгілі бір сомаға бейтаныс адамдарға тапсырсаңыз, сіз қылмысқа қатысушы болып таныласыз», — деп ескертеді полицейлер.
