Алдын ала мәлімет бойынша, иесіз карьер аумағында орналасқан қатты тұрмыстық қалдықтардың рұқсат етілмеген полигонында қоқыс өртенген.
Оқиға орнына Төтенше жағдайлар министрлігінің бөлімшелері мен жергілікті атқарушы органдардың күштері жұмылдырылды. Өртті сөндіру үшін арнайы штаб құрылып, судың үздіксіз берілуі қамтамасыз етілді.
Тілсіз жаумен күрес барысында өрт сөндірушілер екі лафеттік оқпанды пайдаланып жатыр. Сонымен қатар арнайы техниканың көмегімен аумақты рекультивациялау және жану ошақтарын топырақпен көму жұмыстары жүргізілуде.
Төтенше жағдайлар қызметінің мәліметінше, қазіргі уақытта өрт оқшауланды. Алайда оны толық сөндіру жұмыстары әлі жалғасып жатыр.
Өрттің шығу себебі мен жанған аумақтың көлемі туралы әзірге ақпарат берілген жоқ.
