Ұлттық тестілеу орталығының мәліметінше, азаматтық алуға үміткерлерге арналған тестілеу 22 тамызда өтеді.
Емтихан үш бөлімнен тұрады. Қазақ тілінен 30 тапсырма ұсынылып, шекті балл 15 балды құрайды. Қазақстан Республикасы Конституциясының негіздері бойынша қазақ немесе орыс тілінде 40 тапсырма беріледі. Бұл бөлімнен кемінде 20 балл жинау қажет. Қазақстан тарихы бойынша 30 тапсырма ұсынылады, шекті көрсеткіш – 15 балл.
Тестілеу бойынша ең жоғары нәтиже – 100 балл. Емтиханнан сәтті өту үшін үміткер кемінде 50 балл жинауы тиіс.
Тапсырмаларды орындауға 130 минут беріледі. Ал мүгедектігі бар азаматтарға қосымша 30 минут қарастырылған.
Тестілеуге қатысу құны – 14 693 теңге. Сондай-ақ негізгі емтиханға дайындалғысы келетін үміткерлер байқау тестілеуінен өте алады. Оның құны 3 355 теңгені құрайды.
Өтініш қабылдау 20 тамызға дейін жалғасады.
