Оқиға Қасқыр тауында болған. Жасөспірімдер бағытынан жаңылып, өздігінен кері жолды таба алмаған. Олар ұялы телефон арқылы құтқарушыларға хабарласып, көмек сұрағанымен, көп ұзамай телефонның қуаты таусылып, байланыс үзілген.
Оқиға туралы хабар түскен бойда іздестіру-құтқару жұмыстарына Төтенше жағдайлар министрлігінің «Барыс» республикалық жедел-құтқару жасағының мамандары жұмылдырылды.
Құтқарушылар жүргізген іздестіру жұмыстарының нәтижесінде екі жасөспірім Қасқыр тауының беткейінен табылды. Абырой болғанда, олардың өміріне қауіп төнбеген және медициналық көмек қажет болмаған.
ТЖМ қызметкерлері жасөспірімдерді қауіпсіз бағытпен Өтпелі шатқалына дейін жеткізіп, кейін ата-аналарына табыстады.
Төтенше жағдайлар қызметі тұрғындарға тауға шығар алдында бағытты мұқият жоспарлап, ауа райы болжамын ескеруге, телефонның қуатын толықтап алуға және жақындарына баратын бағыты туралы алдын ала хабарлап кетуге кеңес береді.
