Есірткі – адамның денсаулығын ғана емес, оның арманын, болашағын және отбасын да құрдымға жетелейтін қауіпті індет. Ол адам ағзасына ауыр зиян келтіріп, тәуелділікке ұшыратады, өмір сапасын төмендетеді және түрлі құқық бұзушылықтарға алып келуі мүмкін.
Салауатты өмір салтын таңдау – өзіңе, жақындарыңа және қоғамға деген жауапкершіліктің белгісі. Спортпен айналысу, білім алуға ұмтылу, шығармашылықпен айналысу және пайдалы орта қалыптастыру жастардың өмірде өз орнын тауып, өз мақсаттарына жетуіне жол ашады. Болашағына бейжай қарамайтын жас ұрпақ – еліміздің ең басты байлығы.
Есірткіге «ЖОҚ» деп айту – өмірге, денсаулыққа және жарқын болашаққа «ИӘ» деп айту. Заң мен тәртіп қағидаттарын сақтай отырып, зиянды әдеттердің алдын алу және есірткісіз қауіпсіз қоғам қалыптастыру – әрбір азаматтың ортақ міндеті. Тек бірлескен күш-жігердің арқасында дені сау, саналы әрі қауіпсіз қоғам құра аламыз.
