Фестиваль аяқталған соң коммуналдық қызмет мамандары мен еріктілер демалыс орнының аумағын тазартуға кірісті.
Қазіргі уақытта жиналған тұрмыстық қалдықтар, пластик бөтелкелер мен өзге де қоқыстар арнайы техникамен шығарылып, фестиваль өткен аумақ толықтай ретке келтірілуде.
Облыс әкімдігінің мәліметінше, тазалық жұмыстары алдағы күндері де жалғасады.
Фестиваль аяқталғаннан кейін аумақты қысқа мерзімде тазарту қоршаған ортаның тазалығын сақтауға және экологиялық талаптарды қамтамасыз етуге мүмкіндік берді.
Ұлттық мұра мен табиғатқа жанашырлық қатар дәріптелді
Биыл бесінші рет өткен «Қымызмұрындық – 2026» фестивалі ұлттық дәстүрді, мәдениетті және этнотуризмді насихаттаумен қатар, экологиялық мәдениетті қалыптастыруға да үлес қосты.
Сондай-ақ фестиваль аясында «Таза Қазақстан» жалпыұлттық экологиялық бағдарламасының маңыздылығы тағы бір мәрте насихатталып, қоршаған ортаны қорғау әрбір азаматтың ортақ жауапкершілігі екені көрсетілді.
