Президент өз сөзінде журналистер қауымының қоғамдағы рөлі ерекше екенін атап өтті.
«Бұл кәсіби мерекенің ел өмірінде алатын орны айрықша. Себебі журналистер қауымы – ең алдымен қоғамның жаршысы әрі шынайы жанашыры. Сіздер әрдайым халықтың көкейінде жүрген өзекті мәселелерді көтеріп, жұрт мүддесіне адал қызмет етіп келесіздер. Қазіргі технология қарқынды дамыған кезеңде азаматтарды жедел, сапалы әрі шынайы ақпаратпен қамтамасыз ету, сондай-ақ маңызды мәселелерге қатысты сараптама ұсыну журналистердің жауапты міндет. Мемлекет сіздердің ерен еңбектеріңізді жоғары бағалайды. Ел Президенті ретінде бүгін мен барша медиа саласы мамандарына шынайы ризашылығымды білдіремін», – деді Қасым-Жомарт Тоқаев.
Салтанатты шара барысында БАҚ саласының бірқатар өкілдері мемлекеттік наградалармен марапатталды.
