«Елімізде шалғай жатқан ауылдардағы оқу сапасын қалада білім алатын оқушылармен теңестіру мақсатында «Білімді ұлт: сапалы білім беру» жобасы қолға алынды. Аталған жоба аясында облыстық деңгейде «Білім беру сапасын арттыру және тиімді жұмыс істеудің режимі» жобасы әзірленді», – деді басқарма басшысы өз сөзінде.
Облыстағы бас педагогтың айтуынша, өткен оқу жылында ауыл мектептері аймақтарға бөлініп, облыстағы 8 лицей, гимназияларға 54 магниттік мектеп болып бекітілді.
«Жыл бойында лицей, гимназия педагогтері бекітілген ауыл мектептері педагогтерінің сабақтарына қатысып, пән бойынша ұсыныстар беріп, озық тәжірибелерімен бөлісті», – дейді Салтанат Беспаева.
Сондай-ақ ол облыста 26.05.2022 ж. — 17.06.2022 ж. аралығында үлгерімі төмен 143 451 оқушыға жазғы мектеп жұмысы ұйымдастырылғанын атап өтті.
С. Беспаеваның сөзіне сүйенсек, алдағы оқу жылында да оқушылардың білім сапасын жақсарту мәселесі өз өзектілігін жоймақ емес.
