Жиынды Алматы облысы әкімінің міндетін атқарушы Қанат Есболатов жүргізді.
Іс-шараға ҚР ІІМ Профилактикалық жұмысты үйлестіру комитетінің төрағасы Арман Саданов, ҚР ІІМ Есірткі қылмысына қарсы іс-қимыл комитеті төрағасының орынбасары Қуандық Әлжанов, Ішкі істер министрлігінің өкілдері, есірткі құқықбұзушылықтарының алдын алу жөніндегі республикалық және өңірлік кеңестердің мүшелері, сондай-ақ мемлекеттік органдар мен қоғамдық ұйымдардың өкілдері қатысты.
Жиын барысында нашақорлықтың алдын алу, есірткінің заңсыз айналымына қарсы күрес, кәмелетке толмағандар мен жастардың есірткі ортасына тартылуының алдын алу, халыққа наркологиялық көмек көрсету және осы бағыттағы ведомствоаралық өзара іс-қимылды күшейту мәселелері қаралды.
Қатысушылар есірткі қылмысына қарсы күресте алдын алу шараларының маңыздылығына ерекше тоқталып, жастар арасында түсіндіру жұмыстарын күшейту қажеттігін атап өтті.
Отырыста интернет-ресурстар, әлеуметтік желілер мен мессенджерлер арқылы таралатын синтетикалық есірткілер мәселесі де кеңінен талқыланды.
Мамандар жастар арасында есірткіге қарсы тұру мәдениетін қалыптастыру, салауатты өмір салтын насихаттау және ақпараттық-түсіндіру жұмыстарын күшейту бағытында атқарылып жатқан жұмыстар туралы баяндады.
Сонымен қатар, цифрлық кеңістікте есірткі өнімдерін насихаттау мен заңсыз сатуға қарсы күрес тетіктерін жетілдіру мәселелері қарастырылды.
Жиын қорытындысы бойынша жауапты мемлекеттік органдарға профилактикалық жұмысты күшейту, ведомствоаралық өзара іс-қимыл тетіктерін жетілдіру және есірткі қылмысына қарсы қабылданып жатқан шаралардың тиімділігін арттыру бойынша нақты тапсырмалар жүктелді.
Сондай-ақ жастарды есірткінің заңсыз айналымына тартудан қорғау және қоғамда салауатты өмір салтын қалыптастыру бағытындағы жұмыстарды жүйелі түрде жалғастыру қажеттігі атап өтілді.
