Оқиға туралы хабарлама 112 жедел қызметінің пультіне келіп түскен. Тұрғындар үй ауласында бауырымен жорғалаушыны байқап, көмек сұраған.
Оқиға орнына жедел жеткен Төтенше жағдайлар министрлігінің құтқарушылары арнайы құралдың көмегімен жыланды қауіпсіз түрде ұстап алды.
Ведомство мәліметінше, бауырымен жорғалаушы елді мекеннен тыс жерге шығарылып, табиғи ортасына жіберілген.
Оқиға салдарынан ешкім зардап шеккен жоқ.
Төтенше жағдайлар министрлігі тұрғындарды сақ болуға шақырып, жылан немесе басқа да қауіпті жануарларды байқаған жағдайда өз бетінше ұстауға әрекет жасамауға кеңес берді.
«Мұндай жағдайда бірден 112 нөміріне хабарласып, мамандардың көмегіне жүгінген жөн», – деп ескертті ведомство.
