Бұл ақпаратты Алматы облыстық полиция департаменті растады.
Полиция мәліметінше, жол-көлік оқиғасы туралы хабарлама түскеннен кейін тәртіп сақшылары жүргізушіні анықтау және ұстау бойынша жедел шаралар қабылдаған.
«Аталған дерек бойынша JAC маркалы автокөлікті басқарған кәмелетке толмаған жүргізуші анықталып, жауапкершілікке тартылды. Сонымен қатар жасөспірімнің ата-анасы да екі бап бойынша жауапқа тартылды», – делінген Алматы облысы полиция департаментінің баспасөз қызметі таратқан хабарламада.
Қазіргі уақытта көлік арнайы айып тұрағына қойылған.
Полиция өкілдерінің айтуынша, іс бойынша қажетті тергеу амалдары жүргізіліп жатыр.
«Қазақстан Республикасының заңнамасына сәйкес, түпкілікті процессуалдық шешім медициналық қорытынды алынғаннан кейін және зардап шеккен бала ауруханадан шыққан соң қабылданады», – деді ведомство өкілдері.
