Ауқымды шараға аудан тұрғындары, еріктілер, жастар ұйымдарының өкілдері, мемлекеттік мекеме қызметкерлері мен коммуналдық сала мамандары қатысты.
Бұл жолғы сенбіліктің ерекшелігі – акцияның тек көшелер мен қоғамдық орындарды тазалаумен шектелмей, әлеуметтік қолдауды қажет ететін азаматтарға көмек көрсетуге бағытталуы болды.
Атап айтқанда, Қайыржан Жақсымбетов аудан жастары және еріктілермен бірге Байсерке ауылында тұратын жалғызбасты зейнеткерлердің үйлеріне барып, тазалық және абаттандыру жұмыстарына қатысты.
Еріктілер Валентина Васильевна мен Раиса Яковлевнаның аулаларын тазалап, аумақты ретке келтіру және сырлау жұмыстарын жүргізген. Сонымен қатар аулаға көшеттер отырғызылып, тұрғындарға әлеуметтік және моральдық қолдау көрсетілген.
Ұйымдастырушылардың айтуынша, акцияның негізгі мақсаты – қоршаған ортаның тазалығын сақтау ғана емес, қоғамда жанашырлық, қамқорлық және өзара көмек мәдениетін қалыптастыру.
Жалпы аудан бойынша өткен сенбілікке 2856 адам қатысып, 13 арнайы техника жұмылдырылды.
Нәтижесінде:
▫️ 25 гектар аумақ тазартылды;
▫️ 57 тонна қоқыс шығарылды;
▫️ Елді мекендерде абаттандыру және санитарлық тазалық жұмыстары жүргізілді.
Әкімдік мәліметінше, Іле ауданында «Таза Қазақстан» акциясы аясындағы жұмыстар алдағы уақытта да жүйелі түрде жалғасады.
