Гутерриш X платформасындағы парақшасында аталған жағдайға қатысты түсініктеме жариялаған.
«Қазіргі уақытта вирустың адам денсаулығына қаупі төмен болғанымен, MV Hondius кемесінің жолаушылары мен экипажын қоса алғанда, барлығының қауіпсіздігін қамтамасыз ету үшін халықаралық денсаулық сақтау саласындағы күш-жігерді үйлестіру маңызды», – деді ол.
Сонымен қатар, БҰҰ басшысы қазіргі уақытта Дүниежүзілік денсаулық сақтау ұйымы мен бірлесіп, хантавирустың ықтимал таралуын бақылау бағытында шара қабылдап жатқан елдердің билігін қолдайтынын жеткізді.
Айта кетейік, бұған дейін MV Hondius круиздік кемесінде хантавирусқа қатысты жағдай тіркелгені хабарланған еді. Қазіргі таңда халықаралық ұйымдар мен тиісті ведомстволар жағдайды бақылауда ұстап отыр.
