Биылғы саммиттің негізгі тақырыбы «Жасанды интеллект және цифрлық даму» деп бекітілді.
Кездесу барысында қатысушылар цифрлық технологиялар мен жасанды интеллект саласындағы ынтымақтастықты дамыту мәселелерін талқылайды. Сонымен қатар инновацияларды экономикалық өсімге және мемлекеттік қызметтердің тиімділігін арттыруға пайдалану, өңірлік байланысты нығайту бағыттарына ерекше назар аударылмақ.
Қазақстан тарапы ұйымға мүше мемлекеттер мен бақылаушы елдердің көшбасшыларын, сондай-ақ Түркі мемлекеттері ұйымының Хатшылығы өкілдерін қабылдайды.
Сондай-ақ саммитке Ақсақалдар кеңесінің мүшелері мен түркі ынтымақтастық ұйымдарының өкілдері қатысады деп жоспарланып отыр.
