ҚР Қарулы Күштері Әуе қорғанысы күштерінің мәліметінше, 15 мамыр күні елорда әуе кеңістігінде әскери жойғыш ұшақтардың шеруі өтеді. Қорғаныс министрлігі аталған іс-шараның маңыздылығын атап өтіп, тұрғындарды сабыр сақтауға шақырды.
Министрлік өкілдерінің айтуынша, жаттығу барысында барлық қауіпсіздік шарасы толық сақталады. Ұшулар қауіпсіз биіктікте жүзеге асырылатындықтан, қала аумағында қысқа уақытқа шу деңгейі артуы мүмкін.
Сондай-ақ тұрғындарға аспанда түрлі түсті түтін байқалса, алаңдамау керектігі ескертілді. Ведомствоның хабарлауынша, бұл түтіндер тек декоративті әсер беру мақсатында қолданылады және қоршаған ортаға ешқандай зиян келтірмейді.
Қорғаныс министрлігі барлық ұшу халықаралық талаптар мен қауіпсіздік ережелеріне қатаң сәйкес ұйымдастырылатынын мәлімдеді.
