Синоптиктердің мәліметінше, Қазақстанның басым бөлігінде атмосфералық фронттардың өтуіне байланысты ауа райы құбылмалы болады. Ел аумағында жаңбыр жауып, найзағай ойнап, кей жерлерде бұршақ түсуі мүмкін. Сондай-ақ желдің екпіні күшейеді деп күтіледі.
Мамандардың болжамына сәйкес, 5 мамырда еліміздің солтүстік өңірлерінде, ал 6-7 мамыр күндері батыс аймақтарда қатты жаңбыр жауады. Бұдан бөлек, республика бойынша батыс өңірлерде түнгі және таңғы уақытта тұман түседі.
Ауа температурасы айтарлықтай өзгермейді, дегенмен кей өңірлерде аздап ауытқуы мүмкін. Елдің оңтүстігінде күндізгі температура +22…+32°C-тан +27…+36°C-қа дейін жоғарылайды. Ал оңтүстік-шығыста +15…+30°C-тан +20…+35°C-қа дейін көтеріледі.
Синоптиктер тұрғындарға ауа райының құбылуына байланысты сақтық шараларын ұстануға кеңес береді.
