Мерекелік күн аясында өткен «Таза Қазақстан» акциясы жағалау аумағын санитарлық тазартуға және абаттандыруға бағытталды. Шараға 50-ден астам адам қатысып, демалыс аймағының тазалығын қамтамасыз етуге атсалысты.
Сенбілік барысында қатысушылар жағалау сызығын қоқыстан тазартып, тұрмыстық қалдықтарды жинады. Сонымен қатар аумақ толық ретке келтіріліп, демалушылар үшін қолайлы жағдай жасауға басымдық берілді.
Айта кетейік, аталған акция «Таза Қазақстан» республикалық бағдарламасы аясында жүзеге асырылып отыр. Жоба алдағы уақытта да жалғасып, ауданның өзге де қоғамдық аумақтарын қамтуды көздейді.
