Туризм және спорт министрінің 2026 жылғы 20 сәуірдегі бұйрығына сәйкес, ойын мекемелерінің, букмекерлік кеңселер мен тотализаторлардың қызметін реттейтін үлгілік қағидаларға өзгерістер енгізілді.
Жаңа нормаға сай, Алматы облысының Талғар ауданында орналасқан казино, ойын автоматтары залдары, букмекерлік кеңселер мен тотализатор кассаларына тек шетел азаматтары мен азаматтығы жоқ адамдар ғана кіре алады.
Бұл шектеу аталған нысандардың қызметкерлеріне және қызметтік міндетін атқару үшін сол жерде жүрген өзге тұлғаларға қолданылмайды.
Құжатқа сәйкес, мұндай тәртіп тек Алматы облысымен шектелмейді. Шектеу Маңғыстау облысындағы Каспий теңізі жағалауында, Жетісу облысының Панфилов ауданы мен Алакөл маңында, сондай-ақ Шығыс Қазақстан облысының Марқакөл және Зайсан аудандарында орналасқан ойын мекемелеріне де қатысты.
Жаңа өзгерістер 17 мамырдан бастап күшіне енеді.
Министрлік бұл түзетулер «Ойын бизнесі туралы» заң талаптарына сәйкестендіру мақсатында қабылданғанын мәлімдеді.
