Оқиға Қарасай ауданына қарасты Иргелі ауылында болған. 112 пультіне 9 қабатты тұрғын үйдің тоғызыншы қабатында орналасқан көршілес екі екі бөлмелі пәтерде өрт шыққаны туралы хабарлама түскен.
Оқиға орнына жедел жеткен құтқарушылар баспалдақ арқылы 25 адамды эвакуациялаған. Оның ішінде 18 ересек пен 7 бала бар. Сонымен қатар тағы 20 тұрғын, оның ішінде 5 бала өз бетінше қауіпсіз жерге шыққан.
Өрт сөндірушілер жоғары шақыру дәрежесі бойынша жұмыс істеп, тілсіз жаудың көршілес пәтерлерге таралуына жол бермеген.
Алдын ала мәлімет бойынша, зардап шеккендер жоқ.
Қазір өрттің шығу себебі анықталып жатыр.
Төтенше жағдайлар қызметі тұрғындарға өрт қауіпсіздігі талаптарын қатаң сақтауды еске салды.
