Әкім өкімімен бұл қызметке Мадияр Зәкеров тағайындалды.
Мадияр Зәкеров 1998 жылы Алматы облысы Талдықорған қаласында дүниеге келген. Жоғары білімді маман. 2018 және 2020 жылдары Халықаралық білім беру корпорациясын («Қазақ бас сәулет-құрылыс академиясы» кампусы) тәмамдаған. Мамандығы – инженерлік жүйелер және желілер, құрылыс.
Еңбек жолын 2021 жылы Алматы облыстық құрылыс басқармасында бастаған. Әр жылдары осы басқармада, сондай-ақ облыстық энергетика және тұрғын үй-коммуналдық шаруашылық басқармасында түрлі қызметтер атқарған.
Кейін газдандыру бөлімінің басшысы, одан соң газдандыру және сумен жабдықтау бөлімінің басшысы болған. 2025 жылдан бері Қонаев қаласының ТҮКШ және тұрғын үй инспекциясы бөлімінде басшының орынбасары қызметін атқарып келген.
