Мәліметке сәйкес, бүгін «112» пультіне аталған ауылда шаруашылық нысанының жанғаны туралы хабарлама түскен. Оқиға орнына алғаш болып Тұздыбастау ауылының азаматтық қорғаныс күштері жетіп, дереу өрт сөндіру жұмыстарына кіріскен.
Өрт сөндірушілер оқиға орнында монша, жазғы ас үй және көмір қора жанып жатқанын анықтады.
Жедел және үйлесімді әрекеттердің нәтижесінде өрт басталған сәттен бастап 38 минут ішінде толықтай сөндірілді. Сондай-ақ өрттің таралуына жол берілмей, шамамен бір метр қашықтықта орналасқан жеке тұрғын үй аман сақталып қалды.
Алдын ала мәлімет бойынша, қаза болғандар мен зардап шеккендер жоқ. Қазіргі уақытта өрттің шығу себептері анықталып жатыр.
