Ведомство мәліметінше, белгісіз тұлғалар deepfake технологияларын пайдаланып, ынтымақты зейнетақы төлемдері қысқарады деген жалған ақпарат таратып жатыр.
Министрлік 2026 жылғы 30 наурызда жасаған ресми мәлімдемесінде бұл ақпараттың шындыққа жанаспайтынын нақтылады.
«Бұл шындыққа сәйкес келмейді», – делінген хабарламада.
Сондай-ақ қазақстандықтарға ақпаратты тек ресми дереккөздерден алуға және жалған ақпарат таратқаны үшін заңнамада жауапкершілік қарастырылғаны ескертілді.
Айта кетейік, 2026 жылғы 1 қаңтардан бастап базалық және ынтымақты зейнетақы мөлшері инфляцияның болжамды деңгейіне сәйкес 10 пайызға арттырылды.
Сонымен қатар, Мемлекет басшысының тапсырмасына сәйкес, 2023 жылдан бастап бес жыл ішінде базалық зейнетақының ең төменгі мөлшері кезең-кезеңімен күнкөріс деңгейінің 70 пайызына дейін, ал ең жоғары мөлшері 120 пайызына дейін ұлғайтылып келеді.
