Иранның «Хатам әл-Анбия» орталық штабының ресми өкілі Эбрахим Зольфакари Вашингтонның мәлімдемелеріне жедел жауап беріп, елдің ұстанымын нақты жеткізді.
«АҚШ-пен байланыс орнату туралы шешімді тек Иран Республикасының өзі қабылдайды. Біз Вашингтонның жоспарымен жүруге ниетті емеспіз», – деді Зольфакари.
Оның айтуынша, Иран тарапы сырттан таңылған қандай да бір шешімдерге бағынбайды.
Бұл мәлімдеме АҚШ президенті Дональд Трамптың «Ирандағы дұрыс адамдармен келіссөз жүргізіп жатырмыз» деген сөзіне жауап ретінде жасалды.
Ал Тегеран болса мұндай жасырын байланыстардың бар екенін ашық түрде жоққа шығарып отыр.
Сарапшылардың пікірінше, тараптар арасындағы мұндай қарама-қайшы мәлімдемелер Таяу Шығыстағы геосаяси шиеленістің әлі де жоғары деңгейде екенін көрсетеді.
