Жаңа түзетулерге сәйкес, бірыңғай ақпараттық жүйе (БАЖ) операторы техникалық байқау операторларына жүйе қызметтерін тиісті қызмет көрсету шарты негізінде ұсынуға міндеттеледі.
Сонымен қатар БАЖ операторы жүйеде бірқатар маңызды функциялардың жұмысын қамтамасыз етеді. Атап айтқанда, көлік құралы туралы мәліметтердің заңдылығы расталмаған жағдайда диагностикалық картаны автоматты түрде қалыптастыру мен беруден бас тартылады. Сондай-ақ жалған диагностикалық карталарды беру фактілері автоматты түрде анықталады.
Қағидаларға енгізілген өзгерістер техникалық байқау операторларының жұмысына қойылатын талаптарды да күшейтеді. Енді БАЖ операторы келесі жағдайларда қызмет көрсетуді тоқтатуға құқылы:
бірыңғай ақпараттық жүйеге қажетті мәліметтер ұсынылмаған жағдайда;
техникалық байқау орталығының мекенжайы өзгергені туралы 10 жұмыс күні ішінде хабарланбаған немесе кеш хабарланған жағдайда;
көлік иелеріне арналған қабылдау бөлмесінде өңір бойынша техникалық байқау кестесі көрсетілмесе;
уәкілетті орган бекіткен талаптарға сәйкес келмейтін диагностикалық карта берілген жағдайда.
Бұзушылықтар жойылған жағдайда техникалық байқау операторы тиісті дәлелдемелерді ұсына отырып, БАЖ операторына қайта жүгінеді. Өз кезегінде жүйе операторы бұзушылықтардың жойылғанын растағаннан кейін қызмет көрсетуді қайта қалпына келтіреді.
Айта кетейік, аталған бұйрық 2026 жылғы 29 наурыздан бастап күшіне енеді.
