Медицина мекемесіне шұғыл түрде жеткізілген науқасқа дәрігерлер қолқа аневризмасының жарылу қаупімен асқынған жедел аорталық синдром диагнозын қойған. Сонымен қатар, ішкі ағзалардың қанмен қамтамасыз етілуі бұзылып, төменгі аяқта сыни ишемия дамыған.
Науқастың жағдайының ауырлығына байланысты дәрігерлер консилиумы шұғыл түрде өткізіліп, хирургиялық араласу туралы шешім қабылданды.
Мамандар аневризманы алып тастап, заманауи тамырлық протез қолдана отырып, аорто-сандық бифуркациялық шунттау операциясын жүргізді.
Дәрігерлердің үйлесімді жұмысының нәтижесінде аневризманың жарылу қаупі толық жойылып, науқастың жағдайы тұрақтандырылды. Операциядан кейінгі кезең асқынусыз өтіп, екі аптадан соң пациент қанағаттанарлық жағдайда үйіне шығарылды.
Айта кетейік, науқасты тексеру мен емдеу міндетті әлеуметтік медициналық сақтандыру жүйесі аясында жүргізілді.
