Министрлік дерегінше, соңғы уақытта оқушылардың психологиялық жағдайында да оң өзгерістер байқалып отыр. Мәселен, 7–8 сыныптарда тәуекел деңгейі төмен оқушылардың үлесі 31,9 пайызға артқан.
Осындай оң үрдіс 9–10 сынып оқушылары мен колледж студенттері арасында да байқалады. Сонымен қатар мамандардың ерекше назарын қажет ететін жасөспірімдердің саны да азайған.
«7–8 сынып оқушылары арасында ерекше бақылауды қажет ететін балалардың саны 30 пайызға қысқарды», – деп хабарлады министрліктің баспасөз қызметі.
Айта кетейік, Алматы облысындағы Талғар ауданы 16 жастағы Шерзат Полаттың өлімінен кейін қоғам назарын ерекше аударған болатын. Осыдан кейін өңірде жасөспірімдер арасындағы қауіпсіздік пен психологиялық ахуалды жақсартуға бағытталған түрлі шаралар қолға алынған.
