Қала орталығында өткен жәрмеңкеде жергілікті тауар өндірушілер мен шаруа қожалықтары өз өнімдерін қолжетімді бағамен ұсынды. Іс-шараға келген қала тұрғындары жаңа әрі сапалы азық-түлік өнімдерін сатып алуға мүмкіндік алды.
Сауда сөрелерінде ет және сүт өнімдері, көкөніс пен жеміс-жидек, ұн-нан өнімдері, бал және басқа да табиғи тағам түрлері кеңінен ұсынылды.
Ұйымдастырушылардың айтуынша, жәрмеңкенің басты мақсаты – тұрғындарды сапалы отандық өнімдермен қамтамасыз ету, жергілікті ауыл шаруашылығы өндірушілерін қолдау және референдум күні қала тұрғындары үшін қолайлы әлеуметтік орта қалыптастыру.
Тұрғындардың пікірінше, мұндай жәрмеңкелер халыққа тиімді бағада өнім сатып алуға мүмкіндік беріп қана қоймай, қалада мерекелік көңіл күй қалыптастырады.
