Әлемдік MMA сахнасында Қазақстанның атын танытып жүрген спортшы маңызды қоғамдық-саяси оқиғадан шет қалмай, азаматтық ұстанымын білдірді.
«Мен үшін тәртіп пен жауапкершілік – спорттағы да, өмірдегі де басты қағидалар. Сондықтан осындай маңызды күні келіп, өз таңдауымды жасау – азаматтық парыз деп санаймын», – деді Шавкат Рахмонов.
Айта кетейік, Шавкат Рахмонов – аралас жекпе-жек бойынша әлемдік деңгейде өнер көрсетіп жүрген қазақстандық спортшылардың бірі. Ол халықаралық ареналарда бірқатар жарқын жеңіске жетіп, Қазақстанның абыройын көтеріп келеді.
