Ауданның мәдениет саласының қызметкерлері де референдум учаскесіне жыр шашумен келіп, өз таңдауларын жасап, тұрғындарға көтеріңкі көңіл күй сыйлады.
Аудандық мәдениет үйінің өнерпаздары мен мәдениет қызметкерлері ұлттық өнердің көрінісін көрсетіп, жыр мен ән арқылы ел бірлігі мен ынтымағын дәріптеді. Өнер иелері учаскеге жиналған тұрғындарға арнап жыр арнау айтып, бүгінгі күннің ел болашағы үшін маңыздылығын атап өтті.
Олардың айтуынша, бұл күн тек дауыс беру рәсімі ғана емес, сонымен қатар халықты бірлікке, жауапкершілікке және елдік құндылықтарды құрметтеуге шақыратын маңызды кезең.
«Конституция – мемлекетіміздің негізгі заңы әрі ел дамуының берік негізін айқындайтын құжат. Сондықтан бүгінгі күн ел тарихындағы маңызды саяси оқиғалардың бірі саналады», – дейді мәдениет қызметкерлері.
Осылайша, аудан мәдениетінің өкілдері ұлттық өнер арқылы референдумның маңызын тағы бір мәрте түсіндіріп, тұрғындардың саяси науқанға жоғары рухпен қатысуына өз үлестерін қосып отыр.
