Автоспорт сайысына өңірден және көршілес аймақтардан келген жүргізушілер қатысып, көрермендерге әсерлі әрі тартысты жарыс ұсынды.
Көктемгі алғашқы жарысқа 40 автокөлік қатысып, жүргізушілер жылдамдық пен дәлдікке негізделген дрифт техникасын көрсетті. Қатысушылар бірнеше кезең бойынша бақ сынап, нәтижесінде ең мықты жүргізушілер анықталды.
Жарыс қорытындысы бойынша жүлделі орындар келесідей бөлінді:
1-орын – Петр Бородин,
2-орын – Евгений Васькин.
Жарыс жеңімпаздары азаматтық белсенділік танытып, республикалық референдумға қатысып, өз таңдауларын жасағандарын айтты.
«Дрифт-шоу Қонаевтағы ең әсерлі көріністердің біріне айналды. ASP Arena-да түрлі мәдени-бұқаралық шаралар ұйымдастырылып келеді. Мұнда алыс-жақын шетелдерден келетін спортсүйер қауымды қоса есептегенде, мыңдаған көрермен жиналады. Қаламызда спорт саласының дамып жатқаны қуантады. Биылғы дрифт-шоу референдум күнімен тұспа-тұс келді. Біз еліміздің азаматтары ретінде дауыс беріп, таңдауымызды жасадық», – деді жарыс жеңімпазы Петр Бородин.
Ұйымдастырушылардың айтуынша, мұндай жарыстар Қонаев қаласында автоспорт мәдениетін дамытуға, жастар арасында техникалық спорт түрлерін насихаттауға және өңірдің спорттық-туристік әлеуетін арттыруға ықпал етеді.
