Ресми мәліметке сәйкес, Мемлекет басшысының жарлығымен Руслан Сұлтанұлы Желдібай Қазақстан Республикасы Президентінің көмекшісі – Президенттің баспасөз хатшысы лауазымынан босатылды.
Ал Президенттің өкімімен Айбек Серікбайұлы Смадияров Қазақстан Республикасы Президентінің кеңесшісі – Президенттің Баспасөз хатшысы болып тағайындалды. Ол бұған дейін атқарған қызметінен босатылғаны атап өтілді.
«Мемлекет басшысының өкімімен Айбек Серікбайұлы Смадияров Қазақстан Республикасы Президентінің кеңесшісі – Президенттің Баспасөз хатшысы болып тағайындалды», – делінген хабарламада.
Айта кетейік, Айбек Смадияров бұған дейін түрлі мемлекеттік қызметтерде жұмыс істеп, ақпараттық саясат саласында тәжірибе жинақтаған.
