Компанияның дерегіне сәйкес, жолданған өтініштердің 4 миллионы жеке тұлғалардан, ал 1 миллионы заңды тұлғалардан түскен. Салыстыру үшін айтсақ, 2024 жылы e-Otinish платформасы арқылы тіркелген өтініштер саны 4 миллион болған.
«Ұлттық ақпараттық технологиялар» АҚ баспасөз қызметінің хабарлауынша, бірыңғай цифрлық платформа іске қосылғанға дейін азаматтардың өтініштері әр мемлекеттік органның өз арнасы арқылы қабылданып, тіркелетін. Бұл жағдай азаматтар үшін бірқатар қолайсыздық туғызып, үдерістердің ашықтығын төмендеткен, сондай-ақ ведомствоаралық бақылау мүмкіндіктерін шектеген.
Ал e-Otinish платформасы өтініштерді қабылдау мен қарау үдерістерін бір жүйеге біріктіріп, ашықтықты, пайдалануға ыңғайлылықты және орындау мерзімдерін тиімді бақылауды қамтамасыз еткен.
