ТЖМ мамандары суға түсу тек арнайы жабдықталған әрі ресми түрде рұқсат етілген орындарда жүзеге асырылуы тиіс екенін ескертеді. Мұндай нысандарда қауіпсіздік шаралары қамтамасыз етіліп, экстренді қызмет өкілдері мен медицина мамандары кезекшілік етеді.
Құтқарушылар жоқ, бейтаныс немесе тексерілмеген мұз айдындарына шығуға қатаң тыйым салынады. Төтенше жағдай туындаған жағдайда 112 нөміріне дереу хабарласу қажет.
Қауіпсіздіктің негізгі қағидалары
Суық суға шомылуды жоспарлаған азаматтарға ТЖМ мынадай қауіпсіздік ережелерін сақтауды ұсынады:
-
Денсаулықты бағалау. Суға түспес бұрын өз жағдайыңызды мұқият бағалаңыз. Созылмалы аурулары бар адамдарға тәуекелге бармау ұсынылады.
-
Алкогольден бас тарту. Шомылуға дейін және одан кейін спирттік ішімдік ішуге болмайды. Алкоголь ағзаның суыққа реакциясын әлсіретіп, жүрекке қосымша салмақ түсіреді.
-
Суда болу уақыты. Суға баспен секіруге болмайды және суда бірнеше секундтан артық болмау қажет.
-
Шомылудан кейін. Дереу сүлгімен құрғақтанып, жылы киіну маңызды.
ТЖМ өкілдері балалар мен қарт адамдарға суық суға түспеуге кеңес береді. Себебі бұл жастағы адамдардың ағзасы температураның күрт өзгеруіне аса сезімтал келеді.
