Аталған платформа арқылы әрбір азамат мемлекеттік органдарға, сондай-ақ түрлі мекемелердің бірінші басшыларына тікелей өтініш жолдай алады. Жүйе өтініш берушіге арыздың қаралу барысын онлайн режимде бақылап, дербес қадағалау мүмкіндігін береді.
Сонымен қатар, «E-otinish» жүйесіне келіп түсетін барлық өтініштер мен сұрау салулар мемлекеттік органдардың өздерімен қатар, Қазақстан Республикасының Бас прокуратурасы тарапынан да қатаң есепке алынып, бақылауда болады.
Өтініш беру тәртібі мынадай:
Платформада авторизациядан өтіп, «Көрсетілетін қызметке онлайн тапсырыс беру» батырмасын таңдау қажет (ол үшін eotinish.kz сайтында тіркелу немесе бір реттік тіркеуден өту керек);
Мемлекеттік органды таңдап, өтініш жолдау;
Ұсынылған нысанды толық әрі дұрыс толтыру;
Өтінішке Қазақстан Республикасының Ұлттық куәландырушы орталығы берген электрондық цифрлық қолтаңбамен (ЭЦҚ) қол қою;
Өтініштің орындалу барысын онлайн бақылау.
Айта кетейік, «E-otinish» ақпараттық жүйесі мемлекеттік органдар қызметінің ашықтығын арттырып, азаматтардың құқықтары мен мүдделерін қорғауға бағытталған тиімді цифрлық құрал ретінде жұмыс істеп келеді.
