Айта кетейік, сұхбатты «Turkistan» газетінің бас редакторы, белгілі ақын әрі публицист Бауыржан Бабажанұлы алған. Материалда қоғам үшін өзекті саналатын бірқатар маңызды мәселелер қамтылып, Мемлекет басшысының ұстанымы мен ой-тұжырымдары кеңінен ашылады.
Руслан Желдібайдың мәліметінше, сұхбат формат жағынан да, мазмұны тұрғысынан да ауқымды. Материал 5 қаңтар күні республикалық «Turkistan» газетінде жарияланады.
«5 қаңтар күні “Turkistan” газетінде Мемлекет басшысы Қасым-Жомарт Тоқаевтың аталған басылымның бас редакторы, белгілі ақын, публицист Бауыржан Бабажанұлына берген кең көлемді сұхбаты жарық көреді», – деп жазды президенттің баспасөз хатшысы.
