«Біз спорт саласындағы ықпалдастықты өркендетуге, ең алдымен жапонның дәстүрлі жекпе-жек өнер түрлерін – дзюдо, сумо және кэндоны дәріптеуге әзірміз. Қазақстан 2027 жылы дзюдодан әлем чемпионатын өткізу құрметіне ие болды. Бұрнағы күні мен қазақтан шыққан белгілі сумошы Кимбозан Харукимен (Ерсін Балтағұл) таныстым», – деді Президент.
Сонымен қатар, Тоқаев мәдени-гуманитарлық байланыстардың алдағы уақытта да халықтар арасындағы өзара түсіністік пен достықты нығайтуға қызмет ететініне сенім білдірді.
