Ведомствоның мәліметінше, зардап шеккен науқасты тасымалдау қажеттілігі жергілікті медициналық инфрақұрылымның жеткіліксіз болуына байланысты туындаған.
«Түркістан облыстық ауруханасы Шымкент қаласында орналасқан. Ал Жетісай ауданында шұғыл көмек көрсетуге қажетті арнайы жабдық болмағандықтан, пациентті жедел тасымалдау қажет болды», — делінген хабарламада.
Тікұшақ экипажы санитарлық рейсті сәтті орындап, жарақаттанған ер адамды Шымкенттегі гипербариялық оксигенация орталығына аман-есен жеткізді. Қону алаңында оны арнайы дайындалған медицина қызметкерлері қабылдады.
Алдын ала мәлімет бойынша, Алғабас ауылындағы қайғылы өрттің шығуына ақауы бар электрлік ұзартқыш себеп болуы мүмкін.
