Аурухана аудан үшін тірек медициналық мекемелердің бірі болғандықтан, оның жаңғыртылуы стратегиялық маңызға ие. Осыған байланысты мердігер компанияға жұмыс кестесін қатаң сақтау және жөндеу сапасын қамтамасыз ету міндеті жүктелді.
Облыс әкімінің бірінші орынбасары Қанат Есболатов жобаның маңыздылығын атап өтіп, нысанның құрылысын күнделікті бақылауда ұстайтынын айтты.
«Бұл аурухана мыңдаған адамға қызмет көрсетеді. Сондықтан мұнда кез келген кідіріс — жол беруге болмайтын жағдай. Пациенттер медициналық көмекті жайлы әрі қауіпсіз ортада алуы тиіс», – деді Есболатов.
Жөндеу жұмыстары аяқталған соң, аурухана заманауи талаптарға сай жаңартылып, тұрғындарға көрсетілетін медициналық қызметтің сапасы артады деп күтілуде.
