Бұл шешім Алматы облысы әкімдігі мен облыстық мәслихаттың 2025 жылғы 21 қазандағы бірлескен қаулысы негізінде қабылданды. Құжатқа сәйкес, қаладағы көшелерге ел тарихында және өңірдің қоғамдық өмірінде із қалдырған тұлғалардың есімдері берілді.
Жаңа тізім бойынша 1-бағыттағы атаусыз көше «Әбдіқадыр Нұрмағанбетов» көшесі, 2-бағыттағы көше «Ақбай Әлібаев» көшесі, 3-бағыттағы көше «Жақыпжан Шарипов» көшесі деп аталды. Сондай-ақ 4-бағыттағы көше «Сүндетбай Балхашев», 6-бағыттағы көше «Жұмабек Жақыпов», ал 8-бағыттағы көше «Әукен Жылқыбаев» атауына ие болды.
Ресми шешім 2025 жылғы 9 қарашадан бастап күшіне енеді. Жаңа атаулар қала картасына енгізіліп, мекенжай анықтамалықтары жаңартылады.
Бұл өзгеріс көше атауларын реттеу, тарихи тұлғаларды ұлықтау және қаланың бірыңғай мекенжай жүйесін қалыптастыру мақсатында жүзеге асырылып отыр.
