Қалыңдығы небәрі 1,2–1,5 сантиметр болатын бұл жабын жоғары беріктігімен, төзімділігімен ерекшеленеді. Ең бастысы – жаңа технологияның арқасында жол қозғалысын асфальт төселгеннен кейін небәрі 30 минуттан соң ашуға болады.
Жоба Алматы облысы әкімдігі, «ҚазАвтоЖол» ұлттық компаниясы және Қытайдың Huayun Tongda Technology Group Co., Ltd. компаниясының бірлесуімен жүзеге асырылған.
Мамандардың айтуынша, мұндай инновациялық тәсілдерді енгізу жол құрылысының тиімділігін арттырып, елдегі көлік инфрақұрылымының сапасын жақсартуға мүмкіндік береді.
Бұл тәжірибелік жоба өңір жолдарында заманауи технологияларды сынақтан өткізіп, болашақта кеңінен қолдануға жол ашпақ.
