«Қазгидромет» РМК 2025 жылғы 25–27 қазан аралығына арналған ауа райы болжамын жариялады.
Метеорологтардың мәліметінше, бірнеше күн бойы сақталған ашық әрі құрғақ ауа райынан кейін демалыс күндері Қазақстан аумағына атмосфералық фронттар келіп, соның әсерінен республиканың көптеген өңірінде жаңбыр жауып, түнде қарға ұласуы мүмкін. Сонымен қатар жел күшейіп, түнде және таңертең тұман түсуі күтіледі.
«Ауа температурасы айтарлықтай төмендемейді: тек елдің солтүстігінде аздап суытып, түнде –3…–8 градус аяз, ал күндіз +3…+8 градус жылы болады», — деп хабарлады синоптиктер.
Мамандар тұрғындарға ауа райының күрт өзгерісін ескере отырып, жолда сақ болуға, жылы киініп жүруге және ауа райы жағдайларын назарда ұстауға кеңес береді.
