Бұл мәселе облыс әкімінің арнайы тапсырмасына сәйкес тұрақты бақылауда тұр.
Жер қатынастары саласындағы заңдылықты сақтау және жер қорын тиімді пайдалану — өңірдегі жергілікті атқарушы органдардың басты басымдығының бірі.
2025 жылдың басынан бері жалпы көлемі 86,5 мың гектарды құрайтын 288 жер учаскесі мемлекет меншігіне қайтарылды. Оның ішінде:
- 11,7 мың гектар жер сот шешімімен, жалға алу шарттарын бұзу арқылы қайтарылса;
- 74,8 мың гектар жер иелерімен жүргізілген түсіндіру жұмыстарының нәтижесінде ерікті түрде мемлекетке өткізілді.
Қайтарылған жерлердің басым бөлігі ауыл шаруашылығы айналымына қайта енгізілуде. Атап айтқанда:
- 28,8 мың гектар жер конкурс арқылы жаңа пайдаланушыларға берілді;
- 6,7 мың гектар аумаққа инвестициялық жобаларды жүзеге асыру жоспарланған.
Облыс әкімі Марат Сұлтанғазиев бұл бағыттағы жұмыстың өңір экономикасы үшін ерекше маңызға ие екенін атап өтті:
– Әрбір гектар жердің тиімді пайдаланылуы – өңірдің дамуы үшін аса маңызды. Пайдаланылмай жатқан жерлерді мемлекетке қайтару арқылы біз инвесторларды тартуға, жаңа жұмыс орындарын ашуға және облыстың азық-түлік қауіпсіздігін нығайтуға мүмкіндік аламыз, – деді өңір басшысы.
Маман пікірінше, мұндай шаралар ауыл шаруашылығы өнімдерін өндіру көлемін арттыруға, жердің құнарлығын сақтауға және жер қатынастары саласында ашықтықты қамтамасыз етуге ықпал етеді.
Жер қатынастары саласындағы заңдылықты қамтамасыз ету бағытындағы жұмыс алдағы уақытта да облыс әкімдігі мен тиісті мемлекеттік органдардың тұрақты бақылауында болмақ.
