Республика күні жыл сайын 25 қазанда аталып өтеді. Бұл дата — 1990 жылы Қазақстанның мемлекеттік егемендігі туралы Декларация қабылданған күнмен байланысты. 2022 жылдан бастап Республика күні ұлттық мереке және ресми демалыс күні ретінде белгіленген.
Биыл, яғни 2025 жылы 25 қазан сенбіге түседі. «Мерекелер туралы» заңға сәйкес, демалыс күні келесі жұмыс күніне — 27 қазан, дүйсенбіге ауыстырылады.
Осылайша бес күндік жұмыс аптасында қазақстандықтар үш күн қатарынан демалады:
-
25 қазан (сенбі) — Республика күні;
-
26 қазан (жексенбі) — демалыс күні;
-
27 қазан (дүйсенбі) — ауыстырылған демалыс күні.
Жалпы, қазан айында бес күндік жұмыс аптасы бойынша 9 демалыс және 22 жұмыс күні болады.
Аптасына алты күн еңбек ететін азаматтар үшін мерекелік демалыс бір күнге қысқарақ болады. Олар 25 және 26 қазан күндері ғана демалады, ал 27 қазан — жұмыс күні болып есептеледі.
