Еңбекшіқазақ аудандық соты ҚР Әкімшілік құқықбұзушылық туралы кодексінің 283-бабының 2-бөлігі бойынша азаматша С.-ның ісін қарады. Тергеу барысында ол Рахат ауылындағы дүкенінде белгісіз тұлғадан 382 қорап таңбаланбаған темекі өнімін сатып алып, сату мақсатында сақтағаны анықталды.
Тексеру кезінде өнімде сәйкестендіру белгілері болмағаны белгілі болды. ҚР Салық кодексінің 172-бабына сәйкес, таңбаланбаған акцизделетін тауарларды сақтау және сату заңмен тыйым салынған.
Сот айыпталушының кінәсін мойындағанын және оның кәмелетке толмаған баласы барын ескере отырып, жазаны жеңілдетті.
Нәтижесінде азаматша С.-ға 412 860 теңге айыппұл салынды, ал тәркіленген темекі өнімдері жойылатын болды.
