Олардың қатарында сала сарапшылары, колледж директорлары мен олардың орынбасарлары, педагогтар және өндірістік оқыту шеберлері бар. «TurkicSkills» чемпионаты — кәсіби-техникалық білім саласындағы үздік тәжірибелер мен инновациялық тәсілдерді біріктіретін маңызды алаң. Шара барысында қатысушылар түркі елдерінің білім жүйесіндегі жаңа бағыттармен, тәжірибелермен және оқыту стандарттарымен танысты.
Чемпионат аясында республиканың 700 колледжі арасынан іріктелген үздіктер марапатталды. Солардың ішінде Алматы облысының Қызмет көрсету және тамақтандыру саласындағы инновациялық технологиялар колледжі «Үздік колледж» аталымына ие болып, еліміздің техникалық және кәсіптік білім беру жүйесіндегі көшбасшылардың бірі екенін дәлелдеді.
Бұл марапат — өңірдің білім саласында инновациялық технологияларды енгізу, еңбек нарығына бейімделген мамандар даярлау және халықаралық деңгейдегі бәсекеге қабілеттілікті арттыру бағытында атқарылған жүйелі еңбектің нәтижесі.
Мамандардың айтуынша, мұндай халықаралық чемпионаттар кәсіптік білім сапасын арттырумен қатар, жастардың жаңа мамандықтарға қызығушылығын арттырып, ел экономикасына үлес қосатын жоғары білікті кадрлар даярлауға серпін береді.
Алматы облысының білім беру жүйесі алдағы уақытта да халықаралық ынтымақтастықты нығайтып, үздік тәжірибелерді енгізуді жалғастырмақ.
