«Қызыл кітапқа енген жануарды кездестіру – табиғаттың бізге берген ерекше сыйы. Мұндай сәттер табиғатты қорғау мен сақтаудың маңызын тағы бір мәрте дәлелдейді», – деп жазды ұлттық парк қызметкерлері.
Орман қарақасы – ТМД аумағындағы монотипті туыстың жалғыз өкілі. Қазақстанда бұл жануардың ареалы жылдан-жылға қысқарып келеді. Сол себепті ол еліміздің Қызыл кітабына 3-санат бойынша енгізілген. Сонымен қатар, Халықаралық табиғатты қорғау одағының Қызыл тізімінде де сирек түр ретінде көрсетілген.
Мамандардың айтуынша, орман қарақасын сақтау үшін оның таралу аясын жан-жақты зерттеу, санын бақылау және мекен ету ортасын қорғау шаралары қажет.
Орман қарақасы негізінен ормандар мен бұталы тоғайларда тіршілік етеді. Қазақстанның Қызыл кітабында ол «Д» санатымен енгізілген, яғни жеткілікті зерттелмеген әрі жойылып кету қаупі бар түр саналады. Бүгінде жануарға төнетін негізгі қауіптер – табиғи ортаның бұзылуы, браконьерлік және климаттың өзгеруі.
