Advertisement
Қазақстан жаңалықтары - Alataunews
  • Русский язык
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Whatsapp
  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
No Result
View All Result
Қазақстан жаңалықтары - Alataunews
No Result
View All Result
Басты бет Жаңалықтар Аймақ

Алматы облысында туристік бағыттағы жолдар жаңғыртылуда

Алматы облысында, шекара маңындағы аудандарды қоса алғанда, туристік инфрақұрылымды дамыту жұмыстары қарқынды жүргізілуде, деп хабарлайды alataunews.kz.

Қорлан Нұрланқызы
10.09.2025
Аймақ, Алматы облысы

Өңірдің негізгі бағыттарының бірі – республикалық маңызы бар «Көкпек – Шонжы» автожолы қайта жөнделіп жатыр. Бұл жол арқылы күн сайын мыңдаған көлік қатынайды әрі ол әйгілі ыстық су көздеріне апаратын басты бағыт болып саналады. Сол себепті жоба өңірлік туризмді дамыту жөніндегі кешенді жоспарға енгізілген.

Ұйғыр ауданында ұзындығы 85 шақырымдық жол учаскесін қайта жаңарту басталды. Аталған трасса Арасан ауылдық округін туристік нысандармен байланыстырып, ішкі туризм үшін маңызды рөл атқарады. Соңғы күрделі жөндеу осыдан жиырмадан астам жыл бұрын жүргізілген. Қазіргі таңда «Көкпек – Шонжы» жолының ыстық су көздеріне апаратын екі бөлігі толық жаңартылуда.

Жолдың жағдайы ұзақ жылдар бойы қанағаттанарлықсыз болып, жергілікті халық бірнеше рет билікке шағымданған. Ұйғыр ауданының тұрғыны Құрметхан Жидебаев бұл учаскенің маңыздылығын атап өтті.

«Шарын шатқалына жақын бұл бөлік ең күрделі учаскелердің бірі еді. Жолдың Қытай шекарасына дейін жалғасатыны белгілі. Жөндеуден кейін туристерге де, кәсіпкерлерге де қатынау әлдеқайда жеңілдейді. Бұл баршаға қажет жол», – деді ол.

Жөндеу жұмыстарына республикалық бюджеттен шамамен 4 млрд теңге бөлінген. Биыл мердігерлер ресайклинг жасап, инертті материал төсеп, асфальттың алғашқы қабатын салуды жоспарлап отыр. Жобаны толық аяқтау келесі жылға белгіленген.

«ҚазАвтоЖол» ҰК облыстық филиалы бөлімінің басшысы Досбол Тепкішовтың айтуынша, жол 1980–1990 жылдары салынған, жабыны әбден тозған. Жергілікті тұрғындардың шағымы жиілеп, апатты жағдайлар көптеп тіркелген. 2000-жылдардың басында тек үстіңгі қабаты ауыстырылса, кейінгі жылдары тек шұңқырларды жамау жұмыстары жүргізілген. Қазір орташа жөндеу қолға алынған, ал биылдың өзінде қозғалыс бір қабат асфальтпен ашылады.

Жалпы, 2025 жылы Алматы облысында республикалық маңызы бар 247 шақырым жол жөнделеді. Оның шамамен 200 шақырымы Кеген, Райымбек және Ұйғыр аудандарына тиесілі болмақ.

Тегтер: Алматы облысыБасты жаңалықтарқазақстан

Соңғы жаңалықтар

Қонаевта 250-ден астам сарапшы білім беруде жасанды интеллектіні қолдану мәселесін талқылады

Қорлан Нұрланқызы
20.11.2026

Интернеттегі алаяқтықтан сақ болайық

Акжаркын
20.11.2026

Нашақорлыққа жол жоқ: болашақ өз қолымызда

Акжаркын
20.11.2026

Алматы облысында үйдің шатыры өртеніп, бір бөлігі опырылды

Қорлан Нұрланқызы
20.11.2026

Өзбекстанда қазақ жазушысы Рахметолла Райымқұловтың ескерткіші ашылды

Қорлан Нұрланқызы
20.11.2026

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
ZERO.kz

© 2022-2024 www.alataunews.kz

  • Басты бет
  • Жаңалықтар
  • Әлем
  • Саясат
  • Қоғам
  • Мақала
  • Сұхбат
  • Русский язык

© 2022-2024 www.alataunews.kz